कोरोना रोकथाममा प्रहरीको सक्रियता, तपाईको माक्स खै ?

महेन्द्रनगर । जिल्ला प्रहरी कार्यालय तथा मातहत प्रहरी इकाईले कोरोनाको जोखिम बढदै गई रहेको अवस्थामा आफ्नो वडा एरियामा समुदाय–प्रहरी साझेदारी कार्यक्रम अन्तर्गत, तपाईको माक्स खै ? कार्यक्रमलाई तिव्रता दिएको छ ।
बिहिवार पनि नयाँ भेरियन्ट सहितको कोभिड–१९ को ओमिक्रोन भाईरस क्रमिक रुपमा फैलिएको अवस्थालाई मध्यनजर गरी सामाजिक दुरी कायम गरौ, स्यानिटाईजर र मास्कको अनिवार्य प्रयोग गरौ भन्दै सर्वसाधारणहरुलाई जनचेतना मुलक सन्देश र मास्कहरु वितरण गरिएको प्रहरी निरिक्षक अमरसिंह माझीले जानकारी दिएका छन् ।
पछिल्लो समयमा कोरोना दर बढदै गई रहेको अवस्थामा आम सर्वसाधारणहरुले स्वास्थ्य सुरक्षाको मापदण्ड उचित रुपमा पालना नगरिदिनाले पनि संक्रमण दर फैलिने भएकाले सचेतिकरणका लगि आफुहरुले उक्त कार्यक्रमको आयोजना गरिएको उनले बताए । सर्वसाधारणहरुलाई ६ सय २० भन्दा बढी मास्कहरु प्नि निशुक्ल रुपमा बितरण गरी जनचेतना मुलक कार्यक्रम गरिएको प्रहरी निरिक्षक माझीले बताए ।