मोटरसाइकल दुर्घटना हुँदा कञ्चनपुरका युवकको मृत्यु

महेन्द्रनगर । बैतडीमा मोटरसाइकल दुर्घटना हुँदा कञ्चनपुरका युवकको मृत्यु भएको छ । सिगास ९ सगीनाडमा मोटरसाइकल दुर्घटना हुँदा कञ्चनपुर घर भएका अन्दाजी २७ वर्षीय धनराम चौधरीको मृत्यु भएको हो ।
चौधरीले चलाएको मोटरसाइकल सडकबाट करीब डेढ सय मिटर तल खसेको र घटनास्थलमै मृत्यु भएको जिल्ला प्रहरी कार्यालयका प्रवक्ता प्रहरी निरीक्षक दर्शन खड्काले बताए ।
उनका अनुसार चौधरी बझाङको देउलेकबाट बैतडीको शिवलिंगतर्फ आउँदै गरेको बुझिएको छ । घटनाको विषयमा थप अनुसन्धान भई रहेको प्रहरीले जनाएको छ ।