बैतडीमा ४ दिन अघि फेला परेको युवकको शवको पहिचान हुन सकेन

महेन्द्रनगर । बैतडीमा ४ दिन अघि फेला परेको युवकको शवको पहिचान हुन सकेको छैन् । बैतडीमा आइतबार भेटिएको एक युवकको शवको अझैँ पहिचान हुन नसकेको हो ।
पाटन नगरपालिका ३ र ६ को सीमाना सैन्देउ नजिक सुर्नया नदीको किनारमा आन्दाजी २६ वर्षीय युवकको शव फेला परेको थियो । आजसम्म मृतकका आफन्त कोही पनि सम्पर्कमा नआएका जिल्ला प्रहरी कार्यालय बैतडीका प्रवक्ता प्रहरी निरीक्षक दर्शन खड्काले बताए ।
रातो हुड, निलो जिन्स पाइन्ट र कालो जुत्ता लगाएका ती युवकको बाँया हातको नाडीमा ‘काली ल्प्उ’ लेखिएको ट्याटु समेत रहेको शवको पोष्टमार्टम गरेर जिल्ला अस्पतालमै राखिएको बताइएको छ ।