फेरि बढ्यो पेट्रोल, डिजल र मट्टितेल को मूल्य

काठमाडौं:
नेपाल आयल निगमले फेरि पेट्राेलियम पदार्थको मूल्य बढाएको छ । पेट्रोल, डिजल र मट्टितेल प्रतिलिटर ३ रुपैयाँ बढाइएको छ । ‘भारतीय आयल निगमले पठाएको नयाँ मूल्यसूची अनुसार इन्धनको मूल्य बढेर आएको छ ।नयाँ मूल्य अनुसार पेट्रोल प्रतिलिटर १ सय ४२ रुपैयाँ, डिजेल र मट्टितेल १ सय २५ रुपैयाँ पर्नेछ । नयाँ मूल्य मंगलबार राति १२ बजेदेखि लागू हुनेछ ।’यस्तै, निगमले आन्तरिक हवाई इन्धनको मूल्य प्रतिलिटर १० रुपैयाँ बढाएर १ सय १६ रुपैयाँ कायम गरेको छ । अन्तर्राष्ट्रियतर्फको हवाई इन्धन प्रतिकिलोलिटर १०० अमेरिकी डलर बढाएर १०९५ डलर तोकिएको छ । निगमले खाना पकाउने एलपी ग्यासको मूल्य भने यथावत छ ।