कैलालीमा दुर्लभ वन्यजन्तु सालकसहित एकजना पक्राउ

महेन्द्रनगर । कैलालीमा दुर्लभ वन्यजन्तु जीवित सालक सहित लम्कीचुहा नगरपालिका –१ का जनक चौधरीलाई प्रहरीले सोमवार दिउँसो पक्राउ गरेको छ ।
चौधरीले सालक लुकाई राखेको भन्ने सूचनाको आधारमा प्रदेश प्रहरी कार्यालय धनगढी र इलाका प्रहरी कार्यालय लम्कीबाट खटिएको संयुक्त टोलीले उनलाई उक्त जीवित सालकसहित फेला पारी पक्राउ गरेको हो ।
उनलाई उक्त सालकसहित आवश्यक अनुसन्धानको लागि सव डिभिजन वन कार्यालय लम्की पठाइएको प्रहरीले जनाएको छ ।