डोटीमा किसानको अदुवा बारिमै कुहिन थाल्यो

महेन्द्रनगर । डोटीको बडिकेदार गाउँपालिकाका किसानले उत्पादन गरेको लाखौंको अदुवाको उचित रकम पाउन छोडेपछि अदुवा किसान मारमा परेका छन् । बडिकेदार गाउँपालिका अदुवा पकेट क्षेत्र भए पनि किसानले अदुवाको उचित मुल्य नपाउदा मारमा परेका हुन् ।
काचो अदुवा प्रतिकेजी १५ रुपैयाँ पनि पाउन छोडेको र बर्ष भरि मेहनत गरेको अदुवाले मुल्य नपाए पछि अहिले धेरै जस्तो किसानको अदुवा बारिमै रहेको र कुहिन थालेको बडिकेदार गाउँपालिकाका ५ का स्थानीय देब बहादुर चन्दले बताए ।
काचो अदुवाको मुल्य नपाए पछि चिन्तित बनेका किसानले अदुवालाई सुटो बनाउन लागे पनि लगातार रुपमा बर्षा र हिमपात भए पछि सुटो बनाउन लागेको अदुवा पनि कुहिन थालेको र अलिकति भए पनि स्थानीय सरकारले रहात को ब्यवस्था या अदुवा बिक्री गर्ने बाताबरण मिलाइ दिन किसानहरुले माग गरेका छ्न ।
बडिकेदार गाउँपालिकाको सबै ठाउँमा अदुवा राम्रो उत्पादन हुदै आएको छ । तर किसानले पछिल्लो केहि बर्ष देखि अदुवाको मुल्य नपाउदा निरास बनेका छन् ।