साँफेबगरमा जनप्रतिनिधि तथा कर्मचारीहरुले आफ्नो तथा घरपरिवारको स्वास्थ्य बिमा अनिवार्य गर्नुपर्ने

महेन्द्रनगर:

अछामको साँफेबगर नगरपालिकाले स्वास्थ बिमा कार्ड नहुनेको नगरपालिकाबाट प्राप्त गर्ने सबै प्रकारका सेवा सुविधा, तलब भत्ता रोक्ने भएको छ । वडा तथा नगरबाट सेवा सुविधा लिनका लागि स्वास्थ बिमा अनिवार्य गरेको हुनुपर्ने भएको हो । नगरपालिकाका जनप्रतिनिधि तथा कर्मचारीहरुले आफ्नो तथा घरपरिवारको स्वास्थ्य बिमा नगरेको भए यही फागुन १५ गतेभित्र स्वास्थ्य बिमा गरिसक्नुपर्ने यदि उक्त समयावधिभित्र बिमा नगरेमा नगरपालिकाबाट प्राप्त गर्ने सबै प्रकारका सेवा सुविधा, तलब भत्ता रोकिने भएको छ । स्वास्थ बिमा नगरेमा सेवाग्राही नागरिकको हकमा नगरपालिका तथा वडा कार्यालयहरुबाट प्रवाह गरिने सार्वजनिक सेवा उपलब्ध गराउन नगरपालिका तथा वडा कार्यालय बाध्य नहुने निर्णय भएको नगरपालिकाका प्रमुख कुलबहादुर कुँवरले बताए । बिमा नगर्नेमा धेरै कर्मचारी र जनप्रतिनिधि पनि देखिएकाले फागुन १५को समयसिमा देखिएको र अन्य सेवाग्राहीहरुका लागी स्वास्थ बिमा गर्नका लागि सूचना जारी गरेको कुँवरले जानकारी दिए। स्वास्थ बिमाबाट प्राप्त हुने रकमले आर्थिक संकट झेलिरहेको बयालपाटा अस्पताल सञ्चालनमा सहयोग पुग्ने उनले बताए।