बझाङमा खोलामा डुबेर एक किशोरको मृत्यु

महेन्द्रनगर । बझाङमा खोलामा डुबेर एक किशोरको मृत्यु भएको छ । बाहुलीखोलामा नुहाउने क्रममा डुबेर एक जनाको मृत्यु भएको जिल्ला प्रहरी कार्यालयले जनाएको छ । बझाङको साइपाल गाउँपालिका धलौन घर भएका अन्दाजी १७ वर्षीय कल्क बोहराको मृत्यु भएको जिल्ला प्रहरी कार्यालय बझाङले जनाएको छ ।
बिहिबार दिउँसो बाहुली खोलामा नुहाउन गएका बोहरालाई डुबेको स्थानीयले देखिपछि उद्धार गरि उपचारका लागि जिल्ला अस्पताल सिमखेत पुर्याइएको र उपचारको क्रममा बोहराको अस्पतालमा मृत्यु भएको प्रहरीले जनाएको छ ।