लेकम गाउँपालिकाको ट्रान्सफर्मरमा आगलागी,गाउँभरी अन्धकार

महेन्द्रनगर:

दार्चुलाको लेकम गाउँपालिकाको ट्रान्सफर्मरमा आगलागी भएको छ । दार्चुलाको लेकम गाउँपालिकाको रिठाचौपातामा विहिबार दिउँसो १ बजेपछि लक्ष्मी बैंक नजिक रहेको विद्युत मिटर र ट्रान्सफर्मरमा एक्कासी आगलागी भएको प्रत्यक्षदर्शी रमेश जोशीले बताए । बन्द रहेको लाइन मर्मत गर्ने क्रममा विद्युत छोड्दा मिटर र ट्रान्सफर्मरमा आगलागी भएको विद्युत कार्यालयले जनाएको छ । प्राविधिक सुरेश भट्टका अनुसार आगलागी भएर मिटर र ट्रान्सफर्मर जलेकोले नयाँ पठाउनका लागि नेपाल विद्युत प्राधिकरण विद्युत वितरण केन्द्र दार्चुलालाई अनुरोध गरिएको छ ।