पुनर्वासको अमरैयामा जङ्गली हात्ती गाउँ पस्यो सतर्क रहन आग्रह

महेन्द्रनगर । कञ्चनपुरमा हात्ती गाउँ पसेपछि प्राकृतिक वासस्थान तर्फ फर्काउन बन कर्मचारी र नेपाल प्रहरीको टोली परिचालन गरिएको छ । पुनर्वास नगरपालिका २ अमरैयामा जङ्गली हात्ती गाउँ पसेको कुण्डा सब डिभिजन बन कार्यालय पच्कडियाका प्रमुख दिनेश कुमार यादवले जानकारी दिए ।
कुण्डा सब डिभिजन बन कार्यालयले शनिबार बिहान दोदा नदी नजिक खल्लामा गहुँ तथा उखु बाली खाइरहेको अवस्थामा देखिएकोले नजिकका किसान तथा आम नागरिकहरूलाई सचेत रहन अनुरोध गरेको छ । उक्त हात्तीलाई लालझाडी बन क्षेत्रमा प्राकृतिक वासस्थान तर्फ फर्काउन बन कर्मचारी र नेपाल प्रहरीको टोली खटिएको उनले बताए ।