दार्चुलामा मिलमा बेरिएर एक जनाको मृत्यु

महेन्द्रनगर । दार्चुलामा मिलमा बेरिएर एक जनाको मृत्यु भएको छ । प्रहरीका अनुसार जिल्लाको शैल्यशिखर नगरपालिका–६ पनेबाजमा मिलमा बेरिएर अन्दाजी ५० वर्षीय धनसिंह धामीको मृत्यु भएको हो ।
आइतबार (आज) बिहान करिब ९ बजेतिर आफ्नै मिलमा अन्न पिध्ने क्रममा मिलको फितामा बेरिएर उनको मृत्यु भएको जिल्ला प्रहरी कार्यालय दार्चुलाले जनाएको छ । मृतक धामीको शरीर टुक्रा, टुक्रा भएको छ । उनका श्रीमती र एक छोरा दुई छोरी छन् ।