यी पत्रकारहरुले पाउँदैछन ‘युवा पत्रकारिता पुरस्कार’

महेन्द्रनगर । सुदूरपश्चिमका तीन जनालाई युवा तथा खेलकुद मन्त्रालयले ‘युवा पत्रकारिता पुरस्कार २०७८’ प्रदान गर्ने भएको छ । पुरस्कार प्राप्त गर्नका लागि दिएका आवेदनमध्येबाट अछामका केशवबहादुर भुल, अछामकै पूर्णबहादुर खड्का, र डोटीका सीताराम ओझालाई पुरस्कार प्रदान गरिने मन्त्रालयले जनाएको छ ।
पत्रकारिताको माध्यमबाट युवाको क्षेत्रमा योगदान पु¥याएबापत चारै जनालाई पुरस्कार प्रदान गर्ने निर्णय गरिएको मन्त्रालयले जनाएको छ । युवा पत्रकारिता पुरस्कार कार्यविधि, २०७५ अनुसार युवा तथा खेलकुद मन्त्रालयका सचिवको संयोजकत्वमा रहेको छनौट समितिले पुरस्कृतको नाम छनोट गरेको हो ।
तिनै जनलाई एक कार्यक्रमकाबीच पुरस्कृत गरिने युवा तथा खेलकुद मन्त्रालयले जनाएको छ । युवा पत्रकारिता पुरस्कारको राशि जनही ५० हजार रुपैयाँ रहेको छ । २०७५ सालदेखि मन्त्रालयले हरेक वर्ष युवाको क्षेत्रमा कलम चलाउँदै आएका चार–चार जनालाई पुरस्कृत गर्दै आएको छ ।