टिप्पर दुर्घटना हुँदा तीन जनाको मृत्यु

महेन्द्रनगर । बैतडीमा टिप्पर दुर्घटना हुँदा तीन जनाको मृत्यु भएको छ । पाटन नगरपालिका ३ गुरुडामा झासलमालिबाट दमोरा जाँदै गरेको बा ३ ख ४८७९ नम्बरको टिप्पर दुर्घटना हुँदा तीन जनाको मृत्यु भएको हो ।
तीन जनाको घटनास्थलमै मृत्यु भएको र अन्य ५ जनालाई उपचारका लागि पठाइएको जिल्ला प्रहरी कार्याल्य बैतडीका प्रहरी निरीक्षक दर्शन खड्काले बताए । टिप्पर सडकबाट करीब ५०० मिटर तल खसेको जनाइएको छ ।