कैलालीमा मोटरसाइकल दुर्घटना हुँदा युवकको मृत्यु

महेन्द्रनगर:

कैलालीमा मोटरसाइकल दुर्घटना हुँदा चालकको मृत्यु भएको छ । प्रहरीका अनुसार शुक्रबार गौरीगंगा नगरपालिका–१ मंगलपुरस्थित पूर्वपश्चिम राजमार्गमा सुपप्र ०१०१० प्र २०७७ नम्बरको मोटरसाइकल दुर्घटना हुँदा चालक गौरीगंगा–८ का साजन विश्वकर्माको मृत्यु भएकोे हो । दुर्घटनामा गम्भीर घाइते भएका उपचारका लागि धनगढीको पदमा अस्पताल ल्याइएका उनलाई सेती प्रादेशिक अस्पताल रिफर गरिएकोमा शुक्रबार राति नै उनको मृत्यु भएको कार्यालयका प्रवक्ता प्रहरी नायब उपरीक्षक वेदप्रकाश जोशीले बताए । मोटरसाइकल आफै अनियन्त्रित भई दुर्घटना भएको बताइएको छ ।