गाेपाल हमाललाई भाेट हाल्न अमेरिकाबाट धनगढी आउदैछन् भट्ट दम्पती

धनगढी:
आसन्न स्थानीय तहको निर्वाचनमा धनगढी उपमहानगरपालिकाकाे मेयरमा स्वतन्त्र उम्मेदवारी घाेषणा गरेका गाेपाल हमालकाे क्रेज बढ्दै गएको छ । धनगढी र देशका अन्य सहरहरुबाट समेत उनलाई शुभेच्छा र समर्थन गर्नेहरूको संख्या सार्वजनिक रुपमै वृद्धि भैरहेको छ ।                                                                         धनगढी बाहिर रहेका तर धनगढीमै घरपरिवार भएका मानिसले पनि हमाललाई भाेट हाल्ने र हाल्न लगाउने अभिव्यक्ति सार्वजनिक रुपमै घाेषणा गरिरहेका छन् । धनगढी उपमहानगरपालिका-३ घर भइ हाल अमेरिकामा बसाेबास गरिरहेका धर्म भट्टले आफ्नो सामाजिक सञ्जालमा एक पाेष्ट सार्वजनिक गर्दै श्रीमतीसहित हमाललाई भाेट हाल्न धनगढी आइरहेको जनाएका छन् । फेसबुक पाेष्टमार्फत भट्टले धनगढीमा रहेका आफ्ना परिवारजन र आफन्तलाई समेत हमाललाई भाेट हाल्न सल्लाह दिएका छन् ।                                                                                                                     सुन्दर सुदूरपश्चिमका अभियन्ता तथा प्रतिष्ठित ब्यावसायी गाेपाल हमाल सुदूरपश्चिममा मात्रै नभएर देशभर अहिले चर्चाको पात्र बनेका छन् ।धनगढीकाे मेयरमा हमालको उम्मेदवारी घाेषणा भएसँगै अहिले सुदूरपश्चिमका धेरै वडा र स्थानीय तहबाट स्वतन्त्र उम्मेदवारी घाेषणा गर्नेकाे लहर चलिरहेको छ ।