आठ वर्षदेखि धनगढीमा लुकेर बसेका फरार अभियुक्त पक्राउ

महेन्द्रनगर । बाजुराका सवारी ज्यान कसुरमा फरार अभियुक्त ८ वर्ष पछि पक्राउ परेका छन् । जिल्ला प्रहरी कार्यालय बाजुराले ८ वर्षदेखि फरार रहेका अभियुक्तलाई पक्राउ गरी जेल चलान गरेको हो ।
दानसिं ठगुन्नाले दिएको जाहेरीका आधारमा खप्तड छेडेदह गाउँपालिका वडा न ५ का ३४ बर्षिया टेक बहादुर बुढालाई जिल्ला अदालतले २०७१ मसिंर २४ गते सवारी ज्यान कसुर लगाएको र फरार रहेको अबस्थामा उनलाई फागुन २२ गते पक्राउ गरी जेल चलान गरेको जिल्ला प्रहरी कार्यालय बाजुराले जनाएको छ ।
उनलाई कैलालीको धनगढीमा लुकेर बसेको अबस्थामा फक्राउ गरि जिल्लामा ल्याएको र जिल्ला अदाललको आदेशमा उनलाई दुई बर्षका लागि जेल चलान गरिएको प्रहरीले जनाएको छ ।