नेकपा एकीकृत समाजवादी पार्टी बेलौरी ४ र ६ को प्रथम वडा भेला सम्पन्न

महेन्द्रनगर:

कञ्चनपुरको बेलौरी नगरपालिकामा नेकपा एकीकृत समाजवादी पार्टीको प्रथम वडा भेला सम्पन्न भएको छ । “विश्व भरिका श्रमजीवी एक होऔ्ं” “यात्रा समृद्धिको लक्ष्य समाजवादको” भन्ने मुल नारा सहित बिहिबार बेलौरी नगरपालिका वडा नम्बर ४ र वडा नम्बर ६ को संयुक्त प्रथम वडा भेला बेलौरी स्थित हाटबजारमा सम्पन्न भएको हो । संयुक्त वडा भेलामा बेलौरी नगरपालिका वडा नम्बर ४ मा सुन्तली वि.क.को अध्यक्ष्यतामा ३५ सदस्यीय र वडा नम्बर ६ मा सुनिता सुनारको अध्यक्ष्यतामा ३५ सदस्यीय वडा कमिटी पनि गठन गरिएको नेकपा एकीकृत समाजवादी पार्टी सुदुरपश्चिम प्रदेश कमिटी सदस्य बिनोद नेपालीले जानकारी दिए । बेलौरी नगर कमिटी उपसचिव तथा वडाका इन्चार्ज रेशम सुनारको अध्यक्षतामा सुरु भएको कार्यक्रममा नेकपा एकीकृत समाजवादी पार्टी सुदुरपश्चिम प्रदेश कमिटी सदस्य बिनोद नेपाली र केशव कडेल, कञ्चनपुर जिल्ला कमिटी उपसचिव आर.पी.सार्की र जिल्ला कमिटी सदस्य तथा नगर इन्चार्ज दिल बहादुर खड्का लगाएत नेकपा एकीकृत समाजवादी पार्टी बेलौरी नगरका पदाधिकारीहरु तथा पार्टीका नेता कार्यकर्ताहरुको समेत बाक्लो उपस्थिति रहेको सुदुरपश्चिम प्रदेश कमिटी सदस्य नेपालीले बताए ।