बेलौरीमा एमाले नेता ढकाल सहित दर्जनौँ नेता कार्यकर्ता माओवादी केन्द्रमा प्रवेस

कञ्चनपुर:
कञ्चनपुरको बेलौरीमा नेकपा एमाले नेता कार्यकर्ता माओवादी केन्द्रमा प्रवेस गरेका छन । एमाले वडा प्रशिक्षण कार्यक्रमको पुर्व सन्ध्या शुक्रबार बेलौरीका एमाले नेता राम प्रशाद ढकाल सहित दर्जनौँले एमाले परित्याग गरेर माओवादी केन्द्रमा प्रवेस गरेका हुन ।
माओवादी केन्द्रका नेता यज्ञ प्रशाद कडेलका अनुसार एमाले बेलौरीका नेता ढकाल सहित एमाले, काँग्रेस र राप्रपा परित्याग गरेर ४६ जना नेता कार्यकर्ताले माओवादी केन्द्रमा प्रवेस गरेका छन । माओवादी केन्द्रमा प्रवेस गर्नेहरुलाई माओवादी केन्द्रका सुदूरपश्चिम इन्चार्ज खगराज भट्टले स्वागत गरेका थिए ।
माओवादी केन्द्र बेलौरीका अध्यक्ष रामकृष्ण रानाको अध्यक्षतामा भएको कार्यक्रममा सचिव रामेश्वर रानाले सं्रचालन गरेका थिए । केन्द्रीय लेखा आयोग सदस्य यज्ञ कडेल, माओवादी नेतृ राधा कडेल, नेताहरु चन्द्रकान्त भण्डारी, लक्ष्मी नारायण चौधरी, देवी प्रशाद भण्डारी, कलम गौतम, देब बहादुर शाही लगायका नेताहरुको उपस्थिति रहेको थियो । केही दिन अघि एमाले जिल्ला कमिटिले सदस्य मनोनित गरेसंगै एमाले बेलौरीका नेता अर्जुन ढकालले पार्टीलाई कम्पनी बनाउन खोजिएको भन्दै समाजिक सञ्जालमा पोष्ट गरेको सातामै एमाले बेलौरीका नेता कार्यकर्ता माओवादीमा प्रवेस गरेका छन ।