कञ्चनपुरका पाँच वडामा काँग्रेस वडाध्यक्षका उम्मेदवार सर्वसम्मत

कञ्चनपुर:
नेपाली काँग्रेस कञ्चनपुरका तीन पालिकाका पाँच वडाबाट वडाध्यक्षका उम्मेदवार सर्वसम्मत छनौट भएका छन ।
काँग्रेस केन्द्रीय निर्वाचन परिचालन समितिको परिपत्र अनुरुप वडा तहबाट उम्मेदवार छनौट अन्र्तरगत हालसम्ममा तीन पालिकाका पाँच वडाबाट सर्वसम्मत वडाध्यक्षमा उम्मेदवार सिफारिस भएका हुन ।
नेपाली काँग्रेस कञ्चनपुरका उप सभापति मिन बहादुर सिहले सोमबार सम्ममा कृष्णपुर नगरपालिका ९ बाट वडाध्यक्षका लागि कैलास बलायर, भीमदत्त नगरपालिका १ बाट आसेफ कुँवर(भुन्टु), भीनपा १६ बाट केशव विष्ट र दोधाराचाँदनी नगरपालिका ६ बाट दिल बहादुर सिजाली र दोधराचाँदनी नगरपालिका ७ बाट शुशिल राना मगर सर्वसम्मत छनौट भएका छन । भीमदत्त १ र दोधाराचाँदनी ६ बाट वडाध्यक्षमा कुँवर र सिजाली पुन दोहोरिएका छन । ‘अन्य वडाबाट समेत सर्वसम्मत उम्मेदवार छनौट भईरहेका छन, ‘उप सभापति सिहले भने, ‘वडाबाट छनौट र सिफारिस भएका उम्मेदवारको माथिल्ला समितिमा सिफारिस हुँदै अन्तिममा पार्टीले तोकेको मापदण्ड अनुरुपका उममेदवारलाई चुनावमा टिकट पाईनेछ ।’