काँग्रेसबाट शुक्लाफाँटा मेयरका लागि पुर्व शिक्षक भट्ट प्रबल दाबेदार

म काँग्रेस नेता एनपी साउदबाट प्रभावित भएको हुँ : मेयरका उम्मेद्वार भट्ट

कञ्चनपुर:

कञ्चनपुरको शुक्लाफाँटा नगरपालिका प्रमुखका लागि नेपाली काँग्रेसबाट पुर्व शिक्षक सिद्धराज भट्ट प्रबल दाबेदार देखिएका छन ।

काँग्रेस कञ्चनपुरका युवा नेता आकास बोहराले शुक्लाफाँटा नगरपालिका प्रमुखका लागि नेपाली काँग्रेसबाट पुर्व शिक्षक भट्ट प्रबल दाबेदार देखिएको बताए । उनका अनुसार भट्टले नेपाल विद्यार्थी संघबाट राजीतिक यात्रा तय गरेका थिए ।
प्रमुखका उम्मेदवार भट्ट नेपाल शिक्षक हुँदै नेपाल ट्रेड युनियनका अध्यक्ष समेत रहेका बौद्धिक व्यक्तित्वका रुपमा चिनिन्छन ।
उनले आफु काँग्रेस नेता एनपी साउदबाट प्रभावित भएर राजनीतिमा आएको बताएका छन । एनपी साउद पक्षीय नेताका रुपमा परिचित भट्ट साउद निर्वाचन गराउनका लागि विगतदेखि एनपीलाई साथ दिदै आएका छन । ०७० सालमा भएको दोस्रंो संविधान सभा निर्वाचनमा सिद्धराज भट्टले एनपी साउद जिताउन युद्धस्तरमा खटिएका थिए ।
आफु मेयरमा निर्वाचित भएसंगै शुक्लाफाँटालाई स्मार्ट सिटीका रुपमा विकसित गर्ने प्रण गरेका छन । पार्टीलाई एकढिक्का बनाएर अघि बढ्ने भट्टको प्रतिबद्धता रहेको छ । भट्टसंगै दर्जनौँ नेता कार्यकर्ता काँग्रेसबाट शुक्लाफाँटा मेयरको दौडमा छन । कसले बाजी मार्ला भन्ने कौतुहलता जागेको छ ।