युवा समाजसेवी शाहद्वारा बेलडाँडी १ को वडाध्यक्षमा उम्मेदवारी

कञ्चनपुर:
कञ्चनपुरका युवा समाजसेवी तथा बेलडाँडीका स्थानीय मिन बहादुर शाहले बेलडाँडी गाँउपालिका १को वडाध्यक्षमा उम्मेदवारी दिएका छन । शाहले बेलडाँडी गाँउपालिका १को वडाध्यक्षमा उम्मेदवारी दर्ता गराएका हुन । शाहले स्वतन्त्र रुपमा उम्मेदवारी दर्ता गराएको बताए । ‘मैले कुनै पनि दलबाट भन्दा पनि स्वतन्त्र रुपमा उम्मेदवारी दिएको छु, ‘उनले भने, ‘वडाको एकीकृत विकास र सम्बृद्धिका लागि मेरो उम्मेदबारी परेको हो ।’ उनको उम्मेदवारीसंगै स्थानीय युवा हर्षित भएका छन । रौलेश्वर उच्च माविका टपर विद्यार्थी शाह सशस्त्र प्रहरीका पुर्व कर्मचारी हुन । स्वदेश तथा विदेशमा समेत राम्रो अनुभव सीप बटुलेका शाहले यस पटक जनप्रतिनिधीको यात्रा तय गरेका छन ।