आफ्नो निजी खर्च मा १४० जना वृद्धवृद्धालाई पशुपतिनाथ दर्शन गराउने घोषणा : सुरेन्द्र बिष्ट

स्थानिय निर्वाचन २०७९ नजिकिदै गर्दा हिजो आज गाउँ घरका जनताहरु लाई घर-घरमा भेटघाट गर्नेको ठुलै जमात पाइएको छ । विभिन्न समस्याका बिच रहेका जनताको आफ्ना समस्या जस्ताका त्यस्तै छन । स्थानिय निर्वाचन २०७४ मा राजनितिक दलले गरेका वाचा कति पूरा भए ? पहिलो कार्यकालमा नेतृत्व गरिसकेका नेताहरु समेत फेरि नेतृत्वको लागी अग्रसर भएकै छन ।

भिमदत्त नगरपालिका वडा नम्बर १६ मा ने क पा एमाले बाट निबर्तमान अध्यक्ष सुरेन्द्र बिष्टले उम्मेदवारी दर्ता गराएका छन । वडा नम्बर १६ शुक्लाफाटा राष्ट्रिय निकुन्ज सङ्ग जोडिएको वडा समेत रहेको हुदा यो वडामा जंगली जनावरहरु आतंकदेखि लिएर विभिन्न समस्या जनताहरु सङ्ग आज पनि जिवित छन ।

आफ्नो उम्मेदवारी दर्ता गराएपश्चात ने क पा एमालेका तर्फबाट उम्मेदवारी पाएका निवर्तमान अध्यक्ष सुरेन्द्र बिष्टले बन्दै गरेको मझगाउ एयरपोर्टको पहिलो फ्लाइट बाट आफ्नो निजी खर्चमा १४० जना वडाबासी वृद्धवृद्धालाई पशुपतिनाथ दर्शन गराउने घोषणा गरेका छन ।