भ्रष्टाचारमुक्त नगरपालिका बनाउँछु : मेयरका स्वतन्त्र उम्मेदवार सिह

कञ्चनपुर:
कञ्चनपुरको भीमदत्त नगरपालिका प्रमुख पदका लागि ईन्जिनियर कोमल बहादुर सिहले स्वतन्त्र उम्मेदवारी दिएर चुनावी मैदानमा होमिएका छन ।
ईन्जिनियर पढेका सिहले भीमदत्त नगरपालिकालाई भ्रष्टाचार मुक्त नगरपालिका बनाउने एजेण्डा लिएर चुनावी मैदानमा होमिएका हुन ।
सिहले आफ्नो उम्मेदवार भ्रष्टाचार बिरुद्धमा रहेको बताएका छन । उनले कर्मचारी भ्रष्टाचारमा लिप्त भएकाले जितेका जनप्रतिनिधीलार्ई समेत भ्रष्टाचार गर्न सिकाउने भएकाले दिगो विकास र सम्बृद्धिका लागि भ्रष्टाचारमुक्त गराउनुपर्ने बताए । ‘म मेयर भएपछि शुरुमै सुशासन कायम गर्छु, न घुस खान्छु न खान दिन्छु, ‘उनले भने, ‘आफु मेयर भएपछि पुरै पालिकाको मुहार फेर्छु ।’ सिभिल ईन्जिनियर अध्ययन गरेका सिह होटल व्यवसायी हुन उनले योजनामा संस्थागत हुने भ्रष्टाचारमा पुरै बन्देज लगाउने एजेण्डा अघि सार्दै जनताको घरदैलोमा गईरहेका छन ।