भिमदत्तनगरपालिकामा सर्वदलीय बैठक पछि मतगणना सुचारु

महेन्द्रनगर:
कञ्चनपुरको भीमदत्त नगरपालिकामा आईतबारदेखि अवरुद्ध रहेको मत गणना कार्य पुनः सुचारु हुने भएको छ । भीमदत्त नगरपालिका–२ को मत गणनामा विवाद भएपछि मत गणना अवरुद्ध भएको हो ।

सर्वदलिय बैठकले २ नम्बर वडाको मत गणना स्थगित गरि ३ र १९ वडाको गणना सुरु गर्ने निणर्य गरेको निर्वाचन अधिकृतको कार्यालयले जनाएको छ । मतगणनामा धाधली भएको भन्दै आन्दोलनमा उत्रेका राजनीतिक दलहरुका कारण मतगणना रोकिएको थियो । भीमदत्त नगरपालिका वडा नं. २ को मतगणा गर्ने क्रममा एक सय मत पत्रको खोलिएको पोकामा एक सय २० मतपत्र गणना भएपछि मतगणना स्थगित भएको थियो ।
भिमदत्त नगरपालिकाको मतगणना स्थल जिल्ला समुन्वय समितीमा सुरक्षा ब्यबस्था कडा परिएको छ भने थप सुरक्षा कर्मी परिचालन गरिएको जिल्ला प्रहरी कार्यालयले जनाएको छ ।