वडा तर्फका जनप्रतिनिधी धमाधम निर्वाचित हुँदै

कञ्चनपुर:
जिल्लाका स्थानीय तहमा जारी मत गणना अनुरुप केही वडाहरुमा वडा तर्फका जनप्रतिनिधी धमाधम निर्वाचित भईरहेको छन । मंगलबार पनि कञ्चनपुरका विभिन्न वडाहरुमा जनप्रतिनिधी निर्वाचित भएका छन ।
निर्वाचन अधिकृतको कार्यालयका अनुसार दोधाराचाँदनी ९ नम्बर वडामा एमालेका उम्मेदवार गोपी पं्रशाद कडेल प्यानलै सहित निर्वाचित भएका छन । बेदकोट ३ मा काँग्रेसका मोहन गुधामी, ४ मा काँग्रेसकै नरेन्द्र बहादुर बोहरा, शुक्लाफाँटा ४ मा काँग्रेसका कमल ठकुल्ला, ५ मा चक्र खडका, शुक्लाफाँटा ६मा दान ब . ऐर , बेलौरी ६ मा एमालेका भोजराज चौधरी निर्वाचित भएका छन । ३० बैशाखमा अबरुद्ध भएको पुनर्वास नपा १० को मतदान समेत सम्पन्न भएको छ । उक्त वडामा मतदान सम्पन्न भएसंगै मत गणना पनि शुरु भएको छ । अहिलेसम्म बेलडाँडी, बेलौरी र लालझाडीमा मत गणना सम्पन्न भएको छ । अन्य पालिकामा मत गणना जारी छ ।