मोटरसाईकल दुर्घटना हुँदा एकको मृत्यु, एक गम्भिर घाईते

कञ्चनपुर:
बिहीबार साँझ पुर्वपश्चिम महेन्द्रराजमार्ग अन्र्तरगत कञ्चनपुरको त्रिनतारा गड्डाचौकी क्षेत्रमा मोटरसाईकल दुर्घटना भएको छ । एक आपसमा मोटरसाईकल ठोकिदा एकको मृत्यु एक घाईते भएका छन ।

प्रहरीका अनुसार भीनपा ५ सुकासालका प्रेम अवस्थीले चलाएको मोटरसाईकल चलाएको म२प ८०४२ र भीनपा १० गज्जर निवासी विरेन्द्र चन्दले चलाएको मोटरसाईकल एक आपसमा ठोकिदा चन्दको महाकाली अस्पतालमा उपचारका क्रममा मृत्यु भएको छ । भने गम्भिर घाईते अवस्थीको महाकाली अस्पतालले रिर्फर गरेको थियो ।

घाईते अवस्थी भीमदत्त नगरपालिका ५का वडाध्यक्षमा निर्वाचित पदम राज अवस्थीका भतिजा हुन । उनी काँग्रेसको विजयी जुलुसमा जाने क्रममा एक आपसमा मोटरसाईकल ठोकिदा घटना भएको प्रत्यक्षदर्शीले बताएका छन । प्रत्यक्षदर्शीका अनुसार अवस्थी काँग्रेसको विजयी जुलुलमा गईरहेका थिए । भने चन्द घर गईरहेका थिए । जितेको उमङगमा राजनीतिक दलले गर्ने भडकिलो, मदिरा सेवन गरेर गर्ने जुलुसमा सवारी दुर्घटना भईरहेको भन्दै त्यसतर्फ दल, स्वयम उम्मेदबार एव सरोकारवाला गम्भिर हुनुपर्नेमा स्थानीयको सुझाव छ ।