स्वर्गिय राजा विरेन्द्रको सम्झनामा कंचनपुरमा दिप प्रज्वलन

तत्कालिन नेपालका प्रमुख रहेका राजा स्वर्गीय बिरेन्द्र लगायत सम्पुर्ण परिवारको हत्या भएको दिन बि.स. २०५८ साल जेठ १९ गतेको आज २१ वर्ष पूरा भएको छ । जनताले आफ्नो राजा गुमाउदाको त्यो पीर आज सम्म पनि विर्सन सकेका भने छैनन ।

राजपरिवारका सदस्यहरु राजा वीरेन्द्र, रानी एश्वर्य, युवराज दीपेन्द्र, राजकुमार निराजन, राजकुमारी श्रुति, राजकुमार धिरेन्द्र, राजकुमारी जयन्ती, राजकुमारी शान्ती, राजकुमारी शारदा, कुमार खड्ग र अन्य राजपरिवारका सदस्यहरू लगायतको सामुहिक हत्या गरिएको कालो दिनको रुपमा नेपालीहरुले आजको दिनलाई सम्झने गर्दछन ।

कंचनपुर जिल्लामा राष्ट्रिय प्रजातन्त्र पार्टीले राजपरिवारको विभत्स हत्या गरिएको दिनलाई सम्झेर कंचनपुर जिल्ला सदरमुकाममा रहेको पार्टी कार्यालयमा दीप प्रजवलन गरि र्‍याली सहित महेन्द्रनगरको मदनचोकमा पुगी पुनः दीप प्रजवलन गरेको छ ।
राष्ट्रिय प्रजातन्त्र पार्टी प्रदेश सदस्य हेलेन श्रेष्ठ, जिल्ला अध्यक्ष गजेन्द्र चन्द, जिल्ला कोषाध्यक्ष दिनेश श्रेष्ठ ,भिमदत्त नगर अध्यक्ष करन पाल लगायत जिल्लाका नेता , कार्यकर्ता लगायतको सहभागीतामा दीप प्रज्वलन कार्यक्रम मनाइएको छ ।
बि.स. २०५८ जेठ १९ गते अर्थात आज भन्दा २१ वर्ष पहिले पारिवारिक जमघटका बेला भएको घटनामा राजपरिवारका सदस्यहरुको गोली हानी हत्या भएको थियो ।