शान्ति विद्यालयद्वारा वडाका नयाँ जनप्रतिनिधीको स्वागत र पुरानालाई विदाई

कञ्चनपुर:
कञ्चनपुरको भीमदत्त नगरपालिका १४ बनकट्टीमा रहेको शान्ति आधारभूत विद्यालयले वडामा नव निर्वाचित जनप्रतिनिधीको स्वागत र पुराना जनप्रतिनिधीको विदाई गरेको छ ।
विद्यालयमा एक कार्यक्रम राखेर नव निर्वाचित जनप्रतिनिधीलाई स्वागत सम्मान र पुरानालाई सम्मान विदाई गरेको हो । विद्यालयको बृद्धि विकासका लागि नयाँ पुराना जनप्रतिनिधीको भूमिका रहने भन्दै विद्यालयले सम्मान तथा विदाई गरेकोछ । शान्ति आधारभूत विद्यालयका प्रध्यानाध्यापक उत्तम विष्टले अधिल्लो उत्तम विष्ट नेतृत्वको जनप्रतिनिधीलाई सम्मान विदाई र नयाँ भोजराज जोशी नेतृत्वको जनप्रतिनिधीलाई सम्मान स्वागत गरिएको बताए । यस्तै विद्यालयबाट सरुवा भएकी शिक्षिका राधिका सिहको समेत विदाई गरेको छ । शिक्षक अभिभावक संघ संगठनका लागि सदस्य छनौट भएका छन । केही दिनमै सदस्यबाटै अध्यक्ष चुनिने प्रअ विष्टले बताए । प्रअ विष्टले समुदायमा रहेको विद्यालयको बृद्धि विकासका लागि जनप्रतिनिधीको भूमिका हुने भन्दै ध्यानाकर्षण गराएका छन ।