लालझाडी गाँउपालिका पूर्ण खोप सुनिश्चितता घोषणा

लालझाडी गाँउपालिका स्वास्थ्य शाखा प्रमुख ले १ देखि ६ वटै वडाका २ सय ७३ जना बालबालिकाले पाउनुपर्ने सबै प्रकृतिका खोप पाएकाले पूर्ण खोपयुक्त घोेषणा गरिएको बताए ।

नगर स्तरीय खोप समन्वय समितिको आयोजनामा सञ्चालित कार्यक्रमको अध्यक्षता समेत गर्नुभएका लालझाडी गाँउपालिका नगर अध्यक्ष निर्मल राना पूर्ण खोप सुनिश्चितता तथा दिगोपना घोषणा गर्न सहयोग गर्नु हुने सबैलाई धन्यवाद दिँदै उहाँले आगामी दिनमा स्वास्थ्य क्षेत्रको विकासका लागि सबैसँगको सहकार्यलाई निरन्तरता दिइने उल्लेख गर्नुभयो । कार्यक्रममा जनप्रतिनिधी, कर्मचारी, स्वास्थ्यकर्मी, महिला स्वास्थ्य स्वयसेविका एव अन्य सार्वसाधारणको सहभागिता रहेको थियो ।

नगर क्षेत्र भित्रका १६ महिनादेखि २३ महिनासम्मका बालबालिकाहरूलाई मापदण्ड अनुसार खोप दिएको पाइएकोले वडा हुँदै गाँउपालिकालाई समेत पूर्ण खोप सुनिश्चितता तथा दिगोपना घोषणा गरिएको स्वास्थ्य कार्यालय कञ्चनपुरका कोल्ड चेन अधिकृत जनक बहादुर कुँवरले बताउनु भयो । उहाँका अनुसार अब छिट्टै कञ्चनपुर जिल्लालाई नै पूर्ण खोप सुनिश्चितता तथा दिगोपना जिल्ला घोषणा गर्ने तयारी भइरहेको छ । १ देखि ६ वडाका वडाध्यक्षलाई खोप क्षेत्रमा अतुलनिय भूमिका निर्वाह गरेको भन्दै सम्मान गरिएको थियो ।