भीनपा ८ बाट सुरु भयो जेष्ठ नागरिकको निशुल्क स्वास्थ्य परिक्षण

महेन्द्रनगर :

कञ्चनपुरको भीमदत्त नगरपालिकाका ७५ वर्षमाथीका जेष्ठ नागरिकलाई घरमै गएर निःशूल्क स्वास्थ्य परीक्षण गर्न सुरु गरिएको छ । भीमद्यत्त नगरपालिका वडा नम्बर ८ तिलाचौरबाट स्वास्थ्य परीक्षण थालिएको वडाध्यक्ष मदनराज मिश्रले बताए । शुक्रबार भीमदत्त नगरपालिका–८ स्थित भानुटोलबाट नगरपालिकाले ७५ वर्षमाथीका जेष्ठ नागरिकको निशुल्क आधारभुत स्वास्थ्य परिक्षण गर्न शुरु गरेको हो ।

वडाध्यक्ष मिश्रले नगरप्रमुख लगायत आफुहरुले निर्वाचनमा गरिएको प्रतिवद्धता अनुरुप वडा नम्बर ८ बाट ७५ वर्ष माथीका जेष्ठ नागरिकहरुको घरदैलोमा निशुल्क आधारभुत स्वास्थ्य परिक्षण सुरु गरिएको बताए । घरमै निशुल्क आधारभुत स्वास्थ्य परिक्षण गराउन पाउँदा धेरै खुशी लागेको भानु टोलका ७६ वर्षिया विस्ना बुडालले बताइन् । उनले भनिन् ‘घर आगनमा आएर नगरपालिकाले यसरी स्वास्थ्य जाँच गरिरहेको छ धेरै खुशी लागेको छ ।’