दोधारा चाँदनीमा नेकपा माओबादी केन्द्रका वडाध्यक्ष साँउद एमालेमा प्रबेश

दोधारा । दोधारा चाँदनी नगरपालिका–३ का नेकपा माओवादी केन्द्रका वडाध्यक्ष साँउद नेकपा एमाले प्रवेश गरेका छन् । शनिबार एमाले र राप्रपा नेपालको संयुक्त चुनावी सम्र्पक वडा कार्यालय उद्धघाटन कार्यक्रममा माओवादी केन्द्रका वडाध्यक्ष भरत सिंह साँउद नेकपा एमाले प्रवेश गरेका छन् । वडाध्यक्ष संगै नेकपा माओवादी कार्यकर्ता करन सिंह साँउद एक दर्जन ब्यक्ती नेकपा एमाले प्रवेश गरेका हुन् । पुजिपति र सामान्ती वर्गको पक्षपोषक नेपाली कांग्रेस संग नेकपा माओवादीले गठबन्धन गरेर मजदुर वर्गलाई वेवास्था गरेपछि आफुले पार्टी छोडेको उनिहरुको भनाई छ् । साथै जनता र राष्ट्रको पक्षमा काम गर्ने पार्टी नेकपा एमाले मात्रै भएको भन्दै पार्टी प्रवेश गरेको पनि बताए । उनिहरुलाई नेकपा एमाले पालिटव्युरो सदस्य तथा कञ्चनपुर ईन्चार्ज निरु पाल र पार्टी जिल्ला अध्यक्ष सुरेन्द्र विष्टले स्वागत गरेका छन् । कञ्चनपुर निर्वाचन क्षेत्र नम्बर ३ मा नेकपा एमालेका उम्मेदवार समेत रहेकी नेतृ निरुदेवी पाल र प्रदेश सभा ३(ख) मा उम्मेदवार नेता सुरेन्द्र विष्टले दोधारा चाँदनी केन्द्रीत चुनावी घरदैलो तथा सम्पर्क कार्यालय स्थापना गर्ने कार्यक्रम व्यस्त छन् । उम्मेदवार पाल र बिष्ट संग नेकपा एमाले र राप्रपाका नेता तथा कार्यकर्ताहरुको बाक्लो उपस्थिती रहेको थियो ।