स्वतन्त्र उम्मेदवार भिम कुमाल घरदैलोमा ब्यस्त : निस्वार्थ भावले काम गर्ने दावी

दोधारा । कञ्चनपुर क्षेत्र नं. ३ (ख) स्वतन्त्र समुहका उम्मेदवार भिम कुमाल यतिबेला घरदैलोमा ब्यस्त छन् । स्वतन्त्र समुहका उम्मेदवार भिम कुमाल दोधारा चाँदनी नगरपालिकाको बिभिन्न वडा तगा टोलहरुमा पुगेर स्थानीय मतदातासंग मत माग्न व्यस्त देखिएका छन् । प्रदेश सभा र प्रतिनिधी सभा निर्वाचनको मिति जति जति नजिकिदै गईरहेको छ् उम्मेदवार कुमाल घरदैलो कार्यक्रम समेत त्यही गतिमा तीव्रता दिएका छन् । उनले दोधारा चाँदनी नगरपालिका वडा नं. १, २ र ३ वडाहरुको टोल बस्तीमा घरदैलो कार्यक्रम गरेका हुन् । वडा वडामा जनता माझ पुगिरहेका स्वतन्त्र समुहका प्रदेश सभाका उम्मेदवार कुमाल दोधारा चाँदनी नगरपालिकाको विकासमा राजनीतिकरण भईरहेकाले आफु स्वतन्त्र रुपमा विकासकै लागि आएको भन्दै मतदातालाई रिझाउने प्रयास गरिरहेका छन् । उनि दोधारा चाँदनी नगरपािलका क्षेत्रमा कोरोना संक्रमण नियन्त्रणको बेला स्थानियबासी, सुरक्षाकर्मी, स्थानिय सरकारलाई नगद रकम, खाद्यान्न, लत्ताकपडा तथा स्वाथ्य सामग्री सहयोग गरेको ब्यक्ती हुन् । दोधारा चाँदनी नगरपालिका क्षेत्रमा उम्मेदवार भिम कुमाललाई सामाजसेवीकोरुपमा परिचित छन् । मतदाताहरुले दोधारा चाँदनी नगरपालिका क्षेत्रलाई गर्दै आएको नेपाल सरकारको बिकासको कार्य शैलीप्रति असन्तुष्ट रहेको गुनासो उम्मेदवारलाई सुनाएका छन् । मतदाताहरुले देशमा भ्रष्टाचार बढ्दै गईरहेको असन्तुष्टि सुनाए पछि उनले आफु प्रदेश सभामा पुगेपछि भ्रष्टाचार बिरुद्ध शुन्य सहनशिलता अपनाउने प्रतिवद्धता व्यक्त गरे । राजनितिक दलका नेताहरु जनता ठग्न समाजसेवा गर्न चाहनेलाई पनि विभिन्न आरोप लगाउने गरेको बताउदै उम्मेदवार भिम कुमालले आफनो जनप्रतिनिधी कस्तो छान्ने भन्ने कुरा जनताले बुझिसकेका बताए । त्यसकारण आफू प्रदेश सभाको कुर्सी सम्हालेर दोधारा चाँदनी लगाएत प्रदेशकै लागि निस्वार्थ भावले केही गर्न खोज्ने आफ्नो सपना रहेको बताए