सीमामा सशस्त्र प्रहरीले स्थानीयलाई दुःख दिन्छः नगर प्रवक्ता बस्नेत

कञ्चनपुरको दोधारा चाँदनीका स्थानीयलाई नेपाली सुरक्षाकर्मीले नै सीमामा दुःख दिनेको गरेको दोधारा चाँदनी नगरपालिका–६ का वडाध्यक्ष तथा प्रवक्ता ओम बस्नेतले आरोप लगाएका छन् ।

स्थानीयले घरमा प्रयोग गर्नका लागी ल्याउने समानमा समेत नेपाली सुरक्षाकर्मी प्रहरी र शसस्त्रले अनायसै दुःख दिने गरेको भन्दै सामाजिक सञ्जाल फेसबुकमा लेखेका छन् ।

प्रवक्ता बस्नेतले नेपाल प्रहरी र शसस्त्रले कमिशनको भरमा काम गर्दै आएको र ठुला तस्करहरुलाई संरक्षण गर्ने गरेको आशय प्रकट गरेका छन् । दोधारा चाँदनीका स्थानीयले घरको लागी समान ल्याउदा पनि दुःख तथा शास्ती खेप्नु परेको बताएका छन् ।

वडाध्यक्ष तथा दोधारा चाँदनी नगरपालिकाका प्रवक्ता बस्नेतले सामाजिक सञ्जाल फेसबुकमा यस्तो लेखेका छन् ।
दोधारा चादनीको विभिन्न ठाउँ हरुमा भारतको सिमाना पर्छ हाम्रो देशमा जे जति समान आउँछ त्यो लगभग सबै भारत र अन्य देश बाट आउँछ । अनि यहाँ आउने धेरै जसो पुलिस व शसस्त्र ले कहिले सिमामा जनतालाइ दुख दिन्छन भने कसैको राजनितिक व कमिसनको भरमा छोडिदिन्छन । हाम्रा जनताले राज्यलाइ कर नतिर्ने भनेको कहाँ छन र तिर्छौ भनेर पनि तिर्न पाउदैनौ कर तिर्न पनि हामिलाइ गड्डाचौकी उल्टो बाटो पर्छ । ठुला ठुला तस्करहरु मज्जाले आफ्ना माल समान लैजाने गर्छन तर सामान्य खाद्द्न्न खरिद गरेर ल्याउदा पनि गरिब जनतालाइ दुख दिने काम भइ रहेको छ । अब जनतालाइ तत्काल दुख दिने काम रोकियोस होइन भने यस्को परिणाम ठिक हुदैन । हामी जनताका प्रतिनिधि हौ र हामी सङ्ग जनता साथमा छन ।