लामा कन्ट्रक्सनको लापरबाहीलाई नजर अन्दाज गर्दै भिमदत्त

महेन्द्रनगर:

एसियायी विकाश बैंकको सहयोगमा कंचनपुरको महेन्द्रनगर बजार निर्माणाधीन रहेको छ । सरोकारवालाको लापरबाहीको कारण निर्माण क्षेत्रमा गुणस्तरहिन काम चलिरहेको छ ।
बजार क्षेत्रको सडक तथा नाली पक्की तथा आधुनिक बनाउने काम एसियाली विकाश बैंकको ॠणबाट बजार क्षेत्रमा लामा कन्ट्रक्सनको ठेक्कामा सुचारु रहेको छ ।

निर्माण कार्यमा अनुगमन छ वा छैन त्यसको कुनै असर काममा परेको छैन , ठेकेदारको निर्देशनमा नालीमा प्रयोग हुने भन्ने छड प्रयोग नगरी कतिपय स्थानहरुमा नाली निर्माण कार्य भइरहेको छ । स्थानिय अधिकारकर्मी तथा सरोकारवाला त्यही बाटोको प्रयोग गरि आवत जावत गरिरहेका भए तापनी गुणस्तरहिन काममा कसैले आवाज उठाएको भने पाइएको छैन ।
प्रायः गरि स-साना कुराहरुमा जागरुकता देखाउने महेन्द्रनगर बासीहरु बजार निर्माण जस्तो अहम कार्य जुन २० औ वर्षको लागी विकासको पाटो हो त्यसमा चुप लागेर बस्नु भनेको बुझ्नै नसकिने पाटोको रुपमा लिइएको छ ।

ठेकेदार कम्पनी लामा कन्सट्रक्सनको काममा किन अनुगमन राम्रो भएन भन्ने बिषयमा भिमदत्त न पा लाई जानकारी गराउदा नगरपालिकाले ठेकेदार कम्पनीलाई ताकेता गरेको बाहेक कुनै राम्रो नतिजा आउने कार्य गरेको भेटिदैन , जबकि स्थानिय सरकारको प्रमुख मुद्दा नै अनुगमन हुने पर्ने र सरोकारवाला जागरुक हुनु पर्ने प्रमुख मुद्दा बजार निर्माणमा गुणस्तर हुनुपर्ने हो ।