भीमदत्तमा कालोपत्रे सडक प्रकरण : कमिसनको खेलले गुणस्तहिन काम भयो : वडाध्यक्ष चन्द

कञ्चनपुर:
कञ्चनपुरको भीमदत्त नगरपालिका १० नम्बर वडामा सडक कालोपत्रेको योजनामा बदमासी भईरहेको छ ।
चालु आर्थिक बर्ष २०७९÷०८०को नगरको योजना अनुरुप भीमदत्त १० तिलकेनीको प्रगति टोलमा सडक कालोपत्रेमा बदमासी भएको पाईएको छ । सडक निर्माण भएको छोटो समयमै सडकमा दुबो उम्रिएपछि गुणस्तहिन काम भएको पाईएको छ ।

चन्द्र ग्रफ एण्ड सप्लायर्सले ८ लाख, ४५ हजार, ९५४रुपैयामा ठेक्का पाएको थियो । उक्त सडकमा दुब्रो उमिएपछि स्थानीयले बिरोध गरेका छन । भीमदत्त नगरपालिका १०का वडाध्यक्ष महेश चन्दले आफ्नो वडामा निर्माण भईरहेको सडकमा नगरपालिकाबाटै सेटिङ्ग गरेर काम अघि बढाईएको बताए ।
‘यो मेरो वडामा सडक कालोपत्रेको काम भईरहेको बारे मलाई थाहा छैन, ‘उनले भने, ‘नगरपालिकाबाटै चोरेर काम भईरहेको छ ।’ वडाध्यक्ष चन्दले कमिसनको खेलले गुणस्तहिन काम भईरहेको दावि गरेका छन । ‘भीमदत्त नगरपालिका नेतृत्वको यस्तै ताल भए चालु आर्थिक बर्षपछि खरो रुपमा उत्रिन्छु, ‘वडाध्यक्षले भने, ‘उपमेयर निलम लेखकले प्रतिशतका काम गराउँदा यस्तो भयो ?’ वडाध्यक्ष चन्दले पालिकाबाट वडालाई टोल उठाउने सम्झिएर बदमासी गरिरहेको बताए ।

नगरपालिकाले वडासंग समन्वय गरेरै काम गर्न खोजेर शक्ति प्रर्दशन गर्न खोजेको उनको भनाई छ । स्थानीयले नगरपालिकामा बेतिथि हुँदा मेयर, उपमेयर र कार्यकारी सहितका कर्मचारीको कमिसन र लार्पबाहीले राज्यको लगानी खेर गईरहेको चिन्ता व्यक्त गरेका छन । भीमदत्त नगरका प्रवक्ता महेन्द्र खडकाले सडक कालोपत्रेमा बदमासी भेटिए छानबिन गरेर कार्बाही गरिने बताए ।