समाचार प्रभाव : बदमासीको पोल खुलेपछि यस्तो गर्दैछ लामा कन्सट्रक्सन !

महेन्द्रनगर । एशियाली विकास बैंक (एडीबी)को ऋण सहयोगमा भीमदत्त नगरपालिकामा सञ्चालित शहरी विकास परियोजनाअन्तर्गत बजार क्षेत्रमा निर्माण भइरहेका आधुनिक सडकमा ठेकेदार कम्पनी लामा कन्सट्रक्सनले बदमासी गरेको पोल खुलेपछि अहिले सुधार भइरहेको छ ।

निर्माणाधीन सडकमा लामा कन्सट्रक्सनले गुणस्तरहीन काम गरिरहेकोबारे पश्चिम आजले समाचार प्रकाशित गरेको थियो ।

ठेकेदार कम्पनीले गुणस्तरहीन काम गरिरहेको र नगरपालिकाका मेयर, उपमेयरले अनुगमन गर्न नसकेको भनेर समाचार प्रकाशित भएपछि ठेकेदार कम्पनीमाथि दबाब परेको थियो । गुणस्तरहीन र मापदण्ड विपरीतका काम भएका ठाउँमा यतिबेला लामा कन्सट्रक्सनले सुधारका काम गरिरहेको छ ।

सडकको नाली बनाउँदा कतिपय ठाउँमा छड प्रयोग नभएको पाइएको थियो । समाचार प्रकाशित भएपछि सरकारी निकायबाट अनुगमन पनि भएको थियो ।