ढलका ढक्कनका सरिया चोर्ने गिरोह पक्राउ

कञ्चनपुर:
भीमदत्त नगरपालिका महेन्द्रनगर बजार क्षेत्रमा रहेका ढलका सरिया चोर्ने गिरोह पक्राउ परेका छन ।
वडा प्रहरी कार्यालय महेन्द्रनगरका इन्चार्ज प्रहरी निरीक्षक प्रकास भण्डारी नेतृत्वको टोलीले महेन्द्रनगर बजार क्षेत्रमा रहेका ढलका सरिया चोर्ने गिरोह पक्राउ परेका हुन । जिल्ला प्रहरी कार्यालय कञ्चनपुरका अनुसार कर्बडहल पछाडी शिव मन्दिर क्षेत्रमा रहेका ढलका ढक्कमा रहेका सरिया चोर्ने गिरोह पक्राउ गरिएको जनाईएको छ ।
ढलका ढक्कन तोडेर सरिया निकाल्दै बेच्दै गिरोहलाई पक्राउ गरी जिल्ला प्रहरी कार्यालय कञ्चनपुरको हिरासतमा राखिएको छ । पक्राउ पर्नेमा भीमदत्त नगरपालिका १८का प्रविन दमाई, सुबन सिनाल, प्रजन जैरु, बिसाल नेपाली, शंकर नेपाली रहेका छन । प्रहरीका अनुसार पहिलो दिन प्रविन नेपाली पक्राउ परेका थिए, नेपालीकै बयानका आधारमा अन्यलाई समेत पक्राउ गरिएको छ । सार्वजनिक सम्पत्ती नष्टदेखि चोर्ने उनीहरुलाई चोरी मुद्दा लगाउने तयारी भईरहेको छ ।