मौसम अपडेटः देशका विभिन्न स्थानमा मेघगर्जन र चट्याङसहित हल्कादेखि मध्यम वर्षाको सम्भावना

काठमाडौँ:आजको मौसम अपडेटमा जल तथा मौसम विज्ञान विभागको मौसम पूर्वानुमान महाशाखाले देशैभरको मौसम सामान्यतया बदली रहेको जनाएको छ ।
साथै देशका विभिन्न स्थानमा मेघगर्जन र चट्याङसहित हल्कादेखि मध्यम वर्षाको सम्भावना रहेको छ ।
कोशी प्रदेश, वाग्मती प्रदेश, गण्डकी प्रदेश, लुम्बिनी प्रदेश र सुदूरपश्चिम प्रदेशका केही स्थानमा भारी वर्षाको सम्भावना रहेको छ ।

आज राति देशको कोशी प्रदेश, गण्डकी प्रदेश, सुदूरपश्चिम प्रदेश र पहाडी भेगमा सामान्य बदली रहनेछ ।
देशको बाँकी भूभागमा आंशिकदेखि सामान्य बदली रहनेछ। दिउँसो पनि कोशी प्रदेश, वाग्मती प्रदेश, गण्डकी प्रदेश,
लुम्बिनी प्रदेश र सुदूरपश्चिम प्रदेशका थोरै स्थानहरुमा मेघगर्जन र चट्याङसहित हल्कादेखि मध्यम वर्षाको सम्भावना रहेको छ ।
गण्डकी प्रदेश, लुम्बिनी प्रदेश र सुदूरपश्चिम प्रदेशका एक–दुई स्थानमा भारी वर्षाको सम्भावना छ ।

जल तथा मौसम विज्ञान विभागको मौसमविज्ञान विश्लेषणका अनुसार मनसुनको प्रभावका कारण हालको मौसमी ढाँचा रहेको हो ।
देशभरका बासिन्दाहरूलाई मौसमको नवीनतम जानकारीको साथ अपडेट रहन र वर्षा र चट्याङको समयमा आवश्यक सावधानी अपनाउन सल्लाह दिइन्छ।