नारायणगढ–मुग्लिन सडकमा दुईतर्फी यातायात ठप्प

चितवन:गएरातिदेखि नारायणगढ–मुग्लिन सडक अवरुद्ध हुँदा दुईतर्फी सवारी आवागमन ठप्प भएको छ ।
चितवनको इच्छाकामना गाउँपालिका–५ स्थित पुल नं ३ मा पहिरो जाँदा सडकखण्ड प्रभावित भएको छ । 

पहिरो पन्छाएर सवारी आवागमन सुचारु गर्ने प्रयास भइरहेको इलाका प्रहरी कार्यालय मुग्लिङले जनाएको छ ।
इलाका प्रहरी कार्यालय मुग्लिनका प्रहरी निरीक्षक विशाल तामाङले पहिरोमा परेका भग्नावशेषबाहेकका बिजुलीका तारहरू पनि व्यवस्थापन गरेपछि हटाउने प्रक्रिया सुरु गरिने बताए।

गत बिहीबारदेखि सोही स्थानमा सडक अवरुद्ध भएको हो । यो रुटमा दैनिक औसत १० हजार सवारीसाधन ओहोरदोहोर गर्ने भएकाले बारम्बार बन्द हुँदा यात्रुलाई ठूलो असुविधा र सास्ती भइरहेको छ ।