सुन तस्करी प्रकरणमा एजेन्टसहित ६ जना पक्राउ

काठमाडौं:सुन तस्करी प्रकरणमा राजस्व अनुसन्धान विभागले हालसम्म ६ जनालाई पक्राउ गरेको छ ।
प्रहरीले करिब एक सय किलो सुन तस्करीमा संलग्न एक एजेन्टलाई पनि पक्राउ गरेको छ ।
विभागका महानिर्देशक नवराज ढुंगानाका अनुसार सुन तस्करीमा संलग्नको खोजी जारी रहेको र पक्राउ परेकाको परिचय खुलाइएको छैन । बुधबार त्रिभुवन अन्तर्राष्ट्रिय विमानस्थल भन्सार
कार्यालय अगाडि विभागको विशेष टोलीले ट्याक्सीमा भन्सारबाट ओसारपसार गर्ने क्रममा ठूलो
परिमाणमा सुन बरामद गरेको हो । विभागले त्रिभुवन भन्सार कार्यालयको गेटबाट सुनसहित दुई
जनालाई पक्राउ गरेको छ । टोलीले प्रारम्भिक बरामद गरी ठगीमा संलग्न थप चार जनालाई बिहान
पक्राउ गरेको ढुंगानाले जानकारी दिए । सुन हङकङबाट ल्याएको बताइएको छ । नेपालमा यति ठूलो
परिमाणमा पहेंलो धातु बरामद भएको यो घटना पहिलो पटक हो । "विस्तृत विवरण आउन बाँकी छ,
फरारको खोजी भइरहेको छ," उनले भने।
Source: Rastriya Samachar Samiti (RSS)