खोला तर्ने क्रममा वेपत्ता भएका युवक मृत फेला

कञ्चनपुर:
खोला तर्ने क्रममा वेपत्ता भएका कञ्चनपुरका एक युवक मृत फेला परेका छन ।
मंगलबार राती बजारदेखि घर आउनेक्रममा भारी बर्षा हुँदा खोला तर्ने क्रममा वेपत्ता भएका बेदकोट नगरपालिका ८ भाँसीका ५२ बर्षिया कालुसिह सेटी मृत फेला परेका हुन ।
जिल्ला प्रहरी कार्यालय कञ्चनपुरका प्रवक्ता प्रकास डाँगीले भाँसी कनकट्टी खोला तर्ने क्रममा वेपत्ता भएका सेटी मृत फेला परेको बताए ।
प्रवक्ता डाँगीका अनुसार सेटी वेपत्ता भएको दुईदिनपछि मृत फेला परेका हुन । वेपत्ता भएको स्थानदेखि झण्डै ३किलोमिटर दक्षिणमा सेटी मृत फेला परेका थिए । ‘शव परिवारलाई बुझाईसकेका छौँ, ‘उनले भने,
घटनाको प्रकृति हेर्दा सेटी खोला तर्ने क्रममा बगेर वेपत्ता भएका रहेछन ।’ यसैविच भीमदत्त नगरपालिका ६ऐठपुर भूमिराज टोलका लोकेन्द्र पार्की समेत भाँसी टनकपुर रोडमा मृत फेला परेका छन । पार्कीको प्राकृतिक नभई कृतिम कारणले मृत्यु भएको भन्दै प्रहरीले अनुसन्धान अघि बढाएकोछ । ग्रिल उद्योगमा कार्यरत पार्की मंगलबारदेखि हराएका थिए । उनको हत्याको आशंकामा प्रहरीले मृतक पार्कीका सहकर्मी जस बहादुर विकलाई नियन्त्रणमा लिएर अनुसन्धान अघि बढाएको छ ।