कञ्चनपुरमा करेन्ट लागेर वृद्धको ज्यान गयो

महेन्द्रनगर:
कञ्चनपुरको बेलौरी नगरपालिकामा करेन्ट लागेर एक जना वृद्धको ज्यान गएको छ ।
जिल्लाको बेलौरी नगरपालिका वडा नम्बर ५ राम नगरमा ७२ वर्षीय जनक लाल चौधरीको विद्युतीय करेन्ट लागेर मृत्यु भएको छ । मंगलबार साँझ नुहाउने क्रममा पानीको मोटरबाट करेन्ट लागेर बेहोस भएका चौधरीको धनगढी स्थित निसर्ग हस्पिटल एण्ड रिसर्च सेन्टरमा उपचारका क्रममा गएराति मृत्यु भएको ईलाका प्रहरी कार्यालय बेलौरीले जनाएको छ ।
मृतक चौधरी बेलौरी नगरपालिकाका प्रमुख मेयर पोतिलाल चौधरीका बुवा हुन ।