लागुऔषध सहित सडक कार्यालयका सब इन्जिनियर पक्राउ

महेन्द्रनगर:
कञ्चनपुरमा बेलौरीमा लागुऔषधसहित एक जना युवक पक्राउ परेका छन् ।
जिल्लाको दक्षिणी क्षेत्रमा पर्ने बेलौरी नगरपालिका–१० सडकघाटबाट नौ दसमलब ४२ ग्राम लागुऔषध सहित बेलौरी नगरपालिका ३ का २५ वर्षका हरिश रेग्मी लाई शनिवार बिहान प्रहरीले पक्राउ गरेको हो ।
प्रहरी चौकी भुडाबाट खटिएको प्रहरी टोलीले शंका लागि चेकजाँच गर्दा उनको साथबाट प्रतिबन्धित खैरो हिरोइन जस्तो देखिने पदार्थ (ब्राउन सुगर) फेला पारी पक्राउ गरेको प्रहरी जवान महेश कुमार भट्टले बताए । पक्राउ परेका रेग्मी सवार सु प्र प्र ०३००१ प ०४५६ नम्बरको मोटरसाइकल समेत बरामद गरेको छ । पक्राउ परेका रेग्मी अछाम सडक डिभिजन कार्यालयका सब इन्जिनियर हुन । उनलाई यस सम्बन्धमा प्रहरीले थप अनुसन्धान गरिरहेको छ।