प्रदेश प्रहरी लाई ठूलो सफलता भारी मात्रामा लागुऔषध सहित एक जना युवक पक्राउ

महेन्द्रनगर:
कञ्चनपुरमा बेलौरीमा भारी मात्रामा लागुऔषधसहित एक जना युवक पक्राउ परेका छन् ।
जिल्लाको बैलौरी नगरपालिका-१० बस्ने हिक्मत हमाललाई प्रहरीले लागुऔषधसहित शनिवार बेलुका प्रहरीले पक्राउ गरेको हो ।
नेपाल प्रहरीको प्रदेश कार्यालय महेन्द्रनगरबाट खटिएको प्रहरी नायब निरीक्षक प्रकाश कडायत नेतृत्वको सादा पोशाक टोलीले उनलाई पक्राउ गरेको हो ।
प्रहरी टोलीले शंका लागि चेकजाँच गर्दा उनको साथबाट प्रतिबन्धित खैरो हिरोइन जस्तो देखिने पदार्थ (ब्राउन सुगर) ४७.८५ ग्राम फेला परेको हो ।
प्रहरीका अनुसार उनलाई बेलौरी नगरपालिका ८ कलकता बजारकोबाट पक्राउ गरिएको प्रहरी नायब निरीक्षक प्रकाश कडायतले बताए ।
पक्राउ परेका हमाललाइ जिल्ला प्रहरी कार्यालयमा राखेर थप अनुसन्धान भैरहेको प्रहरीले जनाएको छ ।
खुला सिमा नाका भएका कारण दिनहुँ लागुऔंषध कारोबार र सेवनकर्ता बढ्दै गरेका छ्न ।