कञ्चनपुरमा कुस्ती संघ गठन

महेन्द्रनगर:
कुस्ती खेलको विकास एवं प्रवद्र्धन गर्ने उद्देश्यले कञ्चनपुर जिल्लामा कुस्ती संघ गठन भएको छ । कञ्चनपुरमा मङ्गलवार भएको भेलाले प्रविन बोगटीको अध्यक्षतामा संघको कार्यसमिति गठन गरेको हो । सचिवमा हेमराज अवस्थी र कोषाध्यक्षमा लेखराज बिसी छन् । ५ सदस्यीय संघका सदस्यमा विमला सुनार,पुस्पा कुमारी चन्द, भूपी उपाध्याय र सुरेस खड्का छन् ।

कञ्चनपुर जिल्ला खेलकुद समिति अध्यक्ष कुबेर खड्काले ले खेलकुदको विकासका लागि सबैको सहयोग र सहकार्य आवश्यक रहेको जनाए । कञ्चनपुर जिल्ला खेलकुद समिति उपाध्यक्ष कैलाशचन्द्र गिरीले कञ्चनपुर जिल्लामा कुस्ती संघ गठन हुनुले जिल्लाको कुस्ती खेल विकासले गति लिने बताउँदै आगामी दशौँ राष्ट्रिय खेलकुदको तयारीमा जुट्न आग्रह गरे ।