कैलाली कञ्चनपुरमा भारी वर्षा हुने, सुरक्षित रहन स्थानीयलाई प्रशासनहरुको आग्रह

महेन्द्रनगर:

कैलाली कञ्चनपुरमा भारी वर्षाको सम्भावना रहेको भन्दै प्रशासनले सतर्कता अपनाउन आग्रह गरेको छ ।केन्द्रीय विपद् व्यवस्थापन महाशाखा सिंहदरवार काठमाडौंको जानकारीलाई उदृत गर्दै जिल्ला प्रशासन कार्यालय कञ्चनपुरले शनिवार राती कैलाली र कञ्चनपुरमा भारी वर्षा हुँने हुँदा नदी किनार र तटिय क्षेत्रमा बस्ने जनताहरुलाई  सतर्कता अपनाउन आग्रह गरेको हो ।

प्रमुख जिल्ला अधिकार नारायण प्रसाद सापकोटाद्वारा जारी सूचनामा केन्द्रीय विपद् व्यवस्थापन महाशाखाबाट भारी वर्षा हुने सूचना प्राप्त भएको उल्लेख छ । मनसु सक्रिय भएयता सुदूरपश्चिममा लगातार वर्षा भइरहेको छ । महाकाली नदीमा पानीको बहाव बढ्दै गएको छ । महेन्द्रनगर लगायतका सहरी क्षेत्र समेत जलमग्न बनेका छन् ।