विपन्न दलित समुदायका व्यक्तिहरूका लागि ७ दिने सीपमूलक तालिम सम्पन्न

कंचनपुर: 

टिकाराम पार्की, दलित समुदायको आर्थिक र सामाजिक उत्थानका लागि आयोजित दलित सशक्तिकरण कार्यक्रम अन्तर्गत विपन्न दलित समुदायका व्यक्तिहरूलाई लक्षित गर्दै कंचनपुर जिल्लामा आयोजित सात दिने सीपमूलक तालिम सफलतापूर्वक सम्पन्न भएको छ।

उक्त तालिममा दलित समुदायका झण्डै १२ जाना महिला र १२  जना पुरुषको सहभागिता रहेको थियो। तालिममा विशेष रूपमा  कृषि तरकारी र बाख्रा पालन सीपसम्बन्धी विषयमा प्रशिक्षण दिइएको थियो। तालिममा अनुभवी प्रशिक्षकहरूले सहभागीहरूलाई ज्ञानका साथै सीप विकासका विभिन्न प्रविधिहरू सिकाएका थिए।

कार्यक्रममा सामाजिक विकास कार्यालय नि. प्रमुख अध्यक्ष गोपाल दत्त जोशी  ले दलित समुदायको सशक्तिकरणका लागि यस्ता सीपमूलक तालिमहरू अत्यन्त उपयोगी हुने बताए। उनले भने, “यस किसिमका कार्यक्रमहरूले दलित समुदायका व्यक्तिहरूलाई आत्मनिर्भर बनाउन सहयोग पुर्‍याउँछ र उनीहरूको आर्थिक स्तरमा सुधार ल्याउँछ।”

तालिममा सहभागीहरूले सिकेका सीपहरूलाई व्यवहारमा लागू गर्दै आत्मनिर्भर बन्ने प्रतिबद्धता व्यक्त गरे। सहभागीमध्ये एक प्रकाश सर्कि ले भने, “यो तालिमले हामीलाई नयाँ सीप सिक्न मात्र होइन, आत्मविश्वास बढाउन पनि सहयोग गरेको छ। अब हामी आफ्नै व्यवसाय सञ्चालन गर्ने योजना बनाइरहेका छौँ।”

टिकाराम पार्कीले कार्यक्रमको समापन समारोहमा प्रशिक्षकहरूलाई धन्यवाद दिँदै भविष्यमा पनि यस्ता कार्यक्रमहरू सञ्चालन गरिने प्रतिबद्धता व्यक्त गरे। उनले दलित समुदायको सामाजिक र आर्थिक रूपान्तरणका लागि राज्य र स्थानीय निकायको सहयोग आवश्यक रहेकोमा जोड दिए।

समापन समारोहमा लेखा अधिकृत सामाजिक विकास कार्यालय कंचनपुर टिकेन्द्र प्रसाद जोशी, अधिकृत भेटेनरी अ. शिव राज भट्ट,प्र.स.विमला खत्री, ईन्जिनियर सामाजिक विकास कार्यालय कंचनपुर जीवन ठ्गुना र सव-ईन्जिनियर सामाजिक विकास कार्यालय कंचनपुर नविन चन्द्र अवस्थी लगायत को उपस्थिति रहेको थियो। सहभागीहरूले तालिमबाट प्राप्त ज्ञान र सीपलाई व्यवहारमा लागू गर्दै समुदायको समग्र विकासमा योगदान पुर्‍याउने आशा व्यक्त गरेका छन्।