बसको ठक्करबाट कञ्चनपुरमा एक जना विद्यार्थीको मृत्यु,राजमार्ग बन्द

कञ्चनपुर। बसको ठक्करबाट कञ्चनपुरमा एक जना विद्यार्थीको मृत्यु भएको छ। शुक्रबार बिहान पूर्वपश्चिम महेन्द्र राजमार्ग अन्तर्गत सुडामा ना ७ ख ६५२१ नम्बरको बसले साइकलमा यात्रा गरिरहेका विद्यार्थीलाई ठक्कर दिएको थियो।

बेदकोट नगरपालिका–६ का कविराज बैजको मृत्यु भएको कञ्चनपुरका डीएसपी चक्रबहादुर शाहले जानकारी दिए।

बस महेन्द्रनगरबाट दार्चुला  गइरहेको थियो। दुर्घटनाको कारण खुल्न सकेको छैन। चालकलाई नियन्त्रणमा लिइएको प्रहरीले जनाएको छ।

दुर्घटनामा मृत्यु हुने महेन्द्रनगरस्थित कञ्चन विद्या मन्दिरमा स्नातक तह प्रथम वर्षमा अध्ययन गर्थे। शुक्रबार घर सिसैयाबाट साइकलमार्फत कलेज आइरहेका उनी दुर्घटनामा परेका थिए।

घटनाको विरोधमा आक्रोशित स्थानीयले अहिले पूर्व–पश्चिम राजमार्ग बन्द गराएका छन्।