अमर सहिद विद्यालयमा छात्राबास निर्माण हुँदै

कञ्चनपुर:
कञ्चनपुरको अमर सहिद आधारभूत विद्यालयमा छात्राबास निर्माण हुने भएको छ । समाजिक विकास कार्यालय कञ्चनपुर मार्फत भीमदत्त नगरपालिका १८ जानकी टोलमा रहेको अमर सहिद विद्यालयमा छात्राबास निर्माण हुन लागेको हो । अमर सहिद विद्यालय व्यवस्थापन समितिका अध्यक्ष विष्णू कडेलले बहिरा, सुस्त श्रबण, स्रोत कक्षा संचालनका लागि छात्राबास निर्माण हुने बताए । ४४लाख, ९४ हजार लागतमा एकतले भवन निर्माण हुन लागेको छ । बासुलिङ्ग कस्ष्ट्रक्सन प्रालिले निर्माणको जिम्मा पाएको छ । भवन शिलान्यास गर्र्दै सुप प्रदेशका निवर्तमान अर्थमन्त्री प्रकास रावलले समयमै गुणस्तरिय भवन निर्माणमा जोडदिए । उक्त विद्यालयमा भवन निर्माण भएसंगै पठन पाठनमा समेत सहज हुनेछ ।