नेकपा माओवादी केन्द्र शुक्लाफाँटा नगर कमिटीले दिप प्रज्वलन गरि २८ औं जनयुद्ध दिवस मनायो

महेन्द्रनगर। नेकपा माओवादी केन्द्र शुक्लाफाँटा नगर कमिटीले दिप प्रज्वलन गरि २८ औं जनयुद्ध दिवस मनाएकाे छ। आज झलारीमा प्रथम सहिद दिलबहादुर रमतेलकाे फाेटाेमा माल्यार्पण तथा दिप प्रज्वलन गरि जनयुद्ध दिवस मनाइएको हाे। दिप प्रज्वलन कार्यक्रममा पार्टीका केन्द्रीय सदस्य तथा कञ्चनपुर इन्चार्ज टेकेन्द्र भट्ट( बिक्रम )ले २८ औ जनयुद्ध दिवसकाे सबैलाई शुभकामना दिए। `हाम्राे पार्टीका अध्यक्ष पुष्पकमल दाहाल (प्रचण्ड) नेतृत्वकाे सरकारले गेटा मेडिकल कलेजलाई स्वास्थ्य विज्ञान विश्वविद्यालय र सहिद दिवसकाे अवसरमा राष्ट्रिय बिदा दिएकाे छ,´ उनले भने, `याे राष्ट्रिय कार्यक्रमकाे रुपमा मनाउन पाउँदा खुशी छाैं, सम्पूर्ण नेपालीहरूमा सहिद दिवस तथा जनयुद्ध दिवसकाे शुभकामना व्याक्त गर्न चाहन्छु ।´ कार्यक्रममा पार्टीका प्रदेश कमिटी सदस्य तथा शुक्लाफाँटा इन्चार्ज ईश्वर सुनार, पार्टी सहइन्चार्ज दुर्गा जाेशी भट्ट , पार्टीका नगर कमिटी अध्यक्ष नरेन्द्र चौधरी लगायतका नेता कार्यकर्ताकाे उपस्थिति सहभागीता थियाे भने कार्यक्रम सञ्चालन नगर कमिटी सचिव दिपकराज भट्टले गरेका थिए।